Notícies Veir istoric
Mès de 700 persones an participat enguan enes diuèrses activitats deth programa Espòrt Popular en Vielha
Aguesta 2au edicion d’aguest programa includís diuèrsi espòrts, que s’amien a tèrme en Palai d’Espòrts, e qu’ei frut deth convèni que mantien er Ajuntament de Vielha e Mijaran e eth Conselh Esportiu dera Val d’Aran
Aguest pròplèu 27 de junh finalize era 2au edicion deth programa Espòrt Popular impulsat per Ajuntament de Vielha e Mijaran amassa damb eth Conselh Esportiu dera Val d’Aran, en tot promòir era practica de desparièrs espòrts minoritaris a nivèu popular en Palai d’Espòrts de Vielha, pendent es mesi d’octobre e junh.
Pendent aguesti nau mesi, mès de 700 persones an participat en conjunt d’espòrts que, per dusau an consecutiu, s’a aufrit ath long dera setmana entre es 20 e es 22 ores. Es deluns se podie practicar basquet, es dimars tennis taula e badminton, es dimèrcles fotbòl sala e es dijaus se barraue eth cicle setmanau damb tennis taula e vòleiball.
Eth prètz de cada session per persona ère de 3 èuros, qu’includís er accès as pistes, er emplec deth materiau esportiu e es bevendes.
Enguan, a diferéncia dera prumèra edicion, es tornegi populars d’aguesti espòrts s’amiaràn a tèrme pendent eth dusau semestre de 2019. Mès endeuant se balharà mès informacion sus es desparières convocatòries.
“Des
der Ajuntament de Vielha e Mijaran èm fòrça satisfèti pera
acuelhuda qu’a tornat a auer eth cicle d’Espòrt Popular en nòste
municipi. Un aute viatge, fòrça gent a participat enes diuèrsi
espòrts que s’an premanit, en ua accion que çò que preten ei
dinamizar es installacions esportiues municipaus, entà qu’autant es
joeni coma es adults agen un espaci, coma ei eth Palai d’Espòrts, a
on poguen practicar espòrt e, ath madeish viatge, socializar-se”,
comente eth còsso d’Espòrts, Alberto López.