Notícies Veir istoric
Vielha e Mijaran formarà part dera naua competicion de trail running Val d’Aran by UTMB® qu’aurà lòc a compdar de 2020
Aguesta competicion plaçarà eth municipi en mapa internacionau de pròves esportives, en tot coneisher-se toti es detalhs pendent era celebracion dera UTMB® Mont-Blanc d’enguan
Er Ajuntament de Vielha e Mijaran a acuelhut era presentacion dera Val d’Aran by UTMB®, era naua competicion de trail-running qu’a compdar der an 2020 s’amiarà a tèrme ena Val d’Aran e a on Vielha e Mijaran aurà ua preséncia fòrça importanta.
Val d’Aran by UTMB®, eth nau eveniment internacionau de trail running qu’aura lòc enes Pirenèus espanhòus, siguec presentat en Ajuntament e se desvoloparà coma ua collaboracion a long termini entre UTMB® International e InAran Sports. Es organizadors an confirmat qu’era prumèra edicion dera corsa se disputarà en junhsèga de 2020, e que harà part des eveniments internacionaus etiquetas UTMB®, en tot integrar a compdar de 2020 eth nau circuit internacionau de ultra-endurance trail running neishut dera associacion recentament signada entre UTMB® e eth Ultra-Trail® World Tour. Eth calendari serà presentat aguest estiu.
Era
prumèra edicion aurà lòc ath long de diuèrses distàncies en
espectacular scenari dera Val
d’Aran,
en plen còr des Pirenèus espanhòus. Es detalhs complèts deth
recorregut e dera inscripcion s’anonciaràn en agost de 2019, pendent
era setmana deth UTMB®
Mont-Blanc.
Eth Trail
running
s’a convertit en un espòrt fòrça popular en Espanha, damb un gran
nombre de corses
que se celèbren cada an en país, corredors de tot eth mon que vòlen
enquia
Espanha entà gaudir der espòrt e ua
grana representacion de corredors espanhòus en eveniment UTMB®
Mont-Blanc,
çò qu’ei ua
clara
indicacion deth tipe d’acuèlh qu’arreceberà era Val
d’Aran by UTMB®,
e que harà part deth
sòn gran exit.
"Era
mèrca UTMB®
signifique fòrça mès qu’ua simpla corsa.
Toti es eveniments damb
supòrt
deth
UTMB®
s’organizen damb es mès nauti estandards de qualitat, en tot aufrir
cores
desafiantes
enes montanhes e ua experiéncia e viatge extraordinari autant
entàs corredors coma entàs aficionadi en destinacions
emblematiques", ditz
Catherine Poletti,
Directora deth UTMB®
Mont-Blanc.
"Aguest
nau eveniment en còr des Pirenèus mos permet enriquir encara mès
era aufèrta deth UTMB®
en tèrmes de diversificacion deth terren, en tot presentar un nau e
impressionant recorregut montanhut, desparièr ar aupin, damb ua
fòrta caracterizacin,
", ahig Michel Poletti,
codirector deth UTMB®.
Val
D’Aran by UTMB®
serà eth 5au
eveniment dera familha UTMB®,
en tot junher-se a d’autes destinacions emblematiques
e toristiques
especiuament atractives
entàs trail
runners
que desiren explorar eth mon: UTMB®
Mont-Blanc, Gaoligong by UTMB®,
Oman by
UTMB® e Ushuaia by UTMB®.
Coma en toti es auti eveniments "by UTMB®", es finishers de Val d’Aran by UTMB® poderàn, des dera prumèra edicion der eveniment, apletar es "Running Stones" e obtier ua inscripcion dirècta entara carrèra UTMB® Mont-Blanc dera sua eleccion sense auer de passar peth tiratge.
Vielha
e Mijaran destaque per èster un municipi a on er espòrt ei ua des
activitats importantes que se pòden hèr ath long der an, e a on es
pròves de trail running an ua preséncia centrau, coma ei eth cas
dera Trail Vielha-Molières 3010 que s’amie a tèrme en mès de
junhsèga damb un gran exit de participacion de corredors espanhòus
e europèus.