Notícies Veir istoric
Recepcion deth Bilbao Basket
En Ajuntament de Vielha e Mijaran
Eth deluns 29 de seteme er Ajuntament de Vielha e Mijaran a arrecebut era expedicion deth Club Basket Bilbao Berri, qu’a realizat un stage de pretemporada en cap-lòc dera Val d’Aran de cara ath cors 2014/15.
Era recepcion, qu’a debanat ena sala de plens deth consistòri, l’a amiada a tèrme eth còsso d’espòrts, Agustin Calbetó, qu’a volut “dar-vos era benvenguda entà daurir-vos es pòrtes de casa nòsta, que tanben ei era vòsta, entà aufrir-vos era nòsta ajuda eth tot çò qu’hèsque de besonh. Tanben vos desiri fòrça sòrt ena vòsta vida esportiua e que pogatz gaudir e apréner dera gent qu’auetz ath costat”.
Eth tecnician dera equipa basca, Sito Alonso, a volut arregraïr “era bona acuelhuda e es installacions perfèctes qu’auetz en Vielha, que mos ajuden a trabalhar. Hè fòrça ans que vengui ara Val d’Aran e sò encantat damb tot”.
Eth còsso d’espòrts a aufrit un petit detalh entà cada membre dera expedicion deth Bilbao. E eth quadre bilbain tanben a arregraït era acuelhuda damb ua pilòta e ua camiseta signades.