Notícies Veir istoric
Vielha e Mijaran poderà destinar eth superavit de 2018 a Inversions Financerament Sostenibles
Eth Ministèri d’Hisenda trabalhe entà premanir era norma legau que permeterà as Entitats Locaus ua prorròga der emplec deth superavit coma ja se realizèc en 2018
Er Ajuntament de Vielha e Mijaran poderà emplegar eth superavit municipau de 2018 entà finançar Inversions Financerament Sostenibles entà enguan. Aguest dijaus eth Ministèri d’Hisenda emetec un comunicat oficiau as Entitats Locaus entà confirmar qu’era administracion estatau trabalhe ena aprobacion dera norma legau que permeterà ua prorròga dera destinacion d’aguest superavit as administracions locaus.
En aguest sens, er Ajuntament de Vielha e Mijaran barrèc er exercici 2018 damb un superavit de 677.129,34€, que dedicarà ena sua totalitat a inversions sostenibles en municipi. En conseqüéncia, es Entitats Locaus, coma ei eth cas der Ajuntament de Vielha e Mijaran, poderàn iniciar es procediments de gestion corresponents entà agilizar es tramits prealables enquia era definitiva aprobacion dera norma damb reng de lei.
29/03/2019