Notícies Veir istoric
Arribe era hèira tradicionau de Vielha
Eth dimèrcles 8 d’octobre
Eth pròplèu dimèrcles 8 d’octobre, Vielha celèbre era sua hèira tradicionau que inclodís, entre d’autes activitats, eth 28au concors de bestiar e era tresau hèira d’artesans, en lo que se demore que sigue ua celebracion damb fòrça assisténcia.
Era hèira, qu’aurà lòc ath long deth centre urban pendent tot eth dia, compde damb mès de 200 parades, entre artesans vengudi de diuèrsi punts deth Pirinèu ena tresau hèira d’artesans, situadi ena avenguda Castièro, e comerçants en generau, que se traparàn ena avenguda Pas d’Arró. A mès, i aurà activitats e jòcs entara mainadèra.
Entàs 10 ores ei programat er esdejoar popular en recinte heirau en parcatge des antigues casèrnes militares. De 10 a 11 ores se poiràn inscríuer es participants ath 28au concors de bestiar que seràn avaloradi a compdar des 11. Era entrèga de prèmis aurà lòc entàs 12 ores, e tanben i aurà un incentiu d’assisténcia as pagesi participants.
01/10/2014