Notícies Veir istoric
Er Ajuntament de Vielha e Mijaran apròve iniciaument eth pressupòst municipau de 2019
Era chifra finau ei de 5.763.684,98€, çò que supause un 0,67% mès qu’eth pressupòst der an 2018
Er Ajuntament de Vielha e Mijaran a aprovat iniciaument eth pressupòst municipau de 2019, avalorat en 5.763.684,98 €, pendent era celebracion deth plen ordinari d’aguest dimèrcles.
Eth pressupòst supause un aument deth 0,67% respècte ar an 2018, se ben se contemple era partida deth loguèr annau dera pista de gèu mòbil, qu’ei prevista en convèni damb er Ajuntament de Barcelona que se materializarà enes pròplèus setmanes.
Ena votacion, eth pressupòst a estat aprovat damb es vòts a favor des còssos d’Unitat d’Aran e de Ciutadans, mentre que Convergéncia Democratica Aranesa s’a abstengut.
“Eth pressupòst qu’aué auem aprovat ei fòrça semblant ath der an 2018, en tot mantier era linha d’accion de govèrn, que mos permet hèr accions que milhoren era vida des ciutadans de Vielha e Mijaran”, afirme Serrano. E hig que “des der Ajuntament hèm un gran esfòrç, en tot auer en compde qu’era LRSAL mos limite e condicione fòrça eth trabalh municipau e, per açò, demoram qu’er actuau govèrn centrau lo modifique”.
Pendent era session plenària d’aguest dimèrcles tanben s’a aprovat era modificacion deth convèni personau laborau.
21/11/2018