Notícies Veir istoric
Er Ajuntament de Vielha e Mijaran organize ua naua edicion deth tradicionau concèrt de Gospel entath pròplèu 7 de deseme
Enguan, actuarà eth grop nòrd-american Charleston Gospel Voices e coma ei abituau s’amiarà a tèrme ena Glèisa de Mijaran
Eth pròplèu 7 de deseme, arribe ua naua edicion deth tradicionau concèrt de Gospel qu’organize er Ajuntament de Vielha e Mijaran en collaboracion damb era associacion Aran Teatre. Ua naua escasença entà poder escotar aguesta musica arribada des Estats Units.
Enguan, eth grop Charleston Gospel Voices serà er encargat d’aufrir eth concèrt, qu’aurà lòc coma ja ei abituau ena Glèisa de Mijaran a compdar des 20:15. Es entrades ja son ara venda de manèra anticipada ena Oficina de Torisme de Vielha per 15€. Eth madeish dia deth concèrt tanben se poderà aquerir era entrada ena pròpria glèisa per 18€.
“Un an mès, Vielha e Mijaran a eth privilègi de poder acuélher ua mòstra dera cultura musicau espirituau que mos arribe des Estats Units, coma ei eth Gospel. Aguesta musica a diuèrsi sègles de tradicion e aué dia ei fòrça estenda per tot eh mon, e es aranesi auem era sòrt de poder-la gaudir un viatge mès”, comente era còsso de Cultura de Vielha e Mijaran, Maria Vergés.
09/11/2018