Notícies Veir istoric
Ja se pòden reservar es lòtges des balhs dera Hèsta Major de Vielha e eth Dinar Popular deth dia 10 de seteme
Es lòtges, a 60€ cadua, se pòden reservar enquiath 5 de seteme en Ajuntament en orari de 9 a 14, e es tiquets deth dinar de 10€, se pòden aquerir en consistòri e ena Oficina de Torisme de Vielha
Er Ajuntament de Vielha e Mijaran a daurit eth periòde entà aquerir es lòtges des sessions de balh dera Hèsta Major de Vielha (deth 7 ar 11 de seteme) e es tiquets deth Dinar Popular qu’aurà lòc eth pròplèu 10 de seteme.
En çò que tanh as lòtges, aguestes an un prètz de 60€, e se poderàn crompar enquiath pròplèu 5 de seteme en Ajuntament en orari de 9 a 14 ores. Toti aqueri que l’agen des auti ans, se lis reservarà enquiath 3 de seteme. Un an mès, era entrada ath balh serà gratuïta, en tot auer-i sessions de tarde e net, tot e qu’enguan coma nauetat i a prevista era celebracion de dus balhs de tarde ena Sala de Hèstes es dies 8 e 10.
D’aute biais, eth dia 10, dempús dera celebracion en Cap dera Vila, aurà lòc eth tradicionau Dinar Popular ena Plaça dera Glèisa. Es tiquets, a un prètz de 10€, se pòden crompar en Ajuntament o ena Oficina de Torisme de Vielha.
28/08/2018