Notícies Veir istoric
Eth nau parcatge entà caravanes e autocaravanes de Vielha ja ei en foncionament
Aguest espaci compde damb ua capacitat de mès de 30 places, en tot aufrir responsa a un sector toristic que cada viatge demane mès equipaments coma aguest
A
compdar d’aguest mes d’agost, ja se trape operatiu eth nau parcatge de
caravanes e autocaravanes de Vielha, plaçat
en Mijaran. Aguest nau equipament, qu’a ua capacitat de mès de 30 places, respon ath besonh d’un sector toristic
que cada viatge demane mès espacis d’aguest tipe, en tot auer un parcatge pròpri e non auer d’incomplir damb es
normatives que non les dèishen parcar e pernoctar ena rèsta d’espacis
municipaus.
Aguest nau equipament, qu’ei amiat a tèrme pera enterpresa Cargolh Camper SL damb ua inversion finau ath tor des 100.000€, ei frut deth loguèr d’aguesti terrens per un periòde de 25 ans, proprietat der ajuntament de Vielha e Mijaran.
Segontes eth baile de Vielha e Mijaran, Juan Antonio Serrano, “eth municipi de Vielha e Mijaran ei pionèr en bastiment de parcatges tà caravanes ena Val d’Aran, qu’ei un airau damb fòrça preséncia en nòste parçan”.
Per tant, damb aguest nau parcatge, Vielha e Mijaran aufrís ua solucion a ua problematica qu’ei comuna en Euròpa. Un nau equipament de besonh entath municipi e damb ua inversion que non a compdat damb cap tipe de despena per part des ciutadans.