Notícies Veir istoric
Aguest diuendres 13 de junhsèga, se daurís era piscina de Gausac ath public
Era piscina serà dubèrta en orari d’11:00 as 19:00, enquiath pròplèu 15 de seteme
A compdar d’aguest 13 de junhsèga, era piscina de Gausac serà dubèrta ath public, entà poder gaudir d’aguesta installacion pendent er ostiu. Dempús des diuèrsi trabalhs de melhora que s’an realizat pendent es darrèri dies, era piscina ja se trape enes condicions avientes entara gent enquiath pròplèu 15 de seteme.
Era mainadèra enquias 5 ans auràn era entrada gratuïta, des 6 as 12 ans eth prètz ei d’1,5 èuros, mentre que des 13 enquias 64 ans, eth prètz ei de 2,5 èuros e entàs jubiladi, 1,5 èuros. Ath delà, tanben i aurà abonaments d’ostiu entàs adults de 50€, un infantil enquias 12 ans de 40€ e tanben i aurà un abonament familhau de 100€. Er orari de dubertura dera piscina serà entre es 11:00 e es 19:00. Cau rebrembar, qu’ena madeisha installacion se poderà gaudir d’un servici de bar.
Segontes eth còsso d’Espòrts e Joenessa de Vielha e Mijaran, Alberto López, “èm satisfeti de poder anonciar, un an mès, era dubertura dera piscina de Gausac, qu’ei un servici que fòrça gent gaudís ath long der ostiu. Demorem qu’era sason sigue profitosa e damb bona climatologia entà toti, e pogam auer ua nauta afluéncia”.
D’aguesta manèra, era piscina de Gausac se hig ara exteriora deth Palai de Gèu de Vielha, que ja se dauric eth passat 7 de junhsèga, entà complementar era aufèrta de piscines de Vielha e Mijaran.