Notícies Veir istoric
Eth Teatre Musicau “Gésser en scèna” remasse 1.416€ euros a benefici des colònies tà mainatges damb càncer qu’era AECC organize en Aran de hè 19 ans ençà
Era activitat culturau organizada pera Escòla Tschaikowsky de Balh e Musica e er Ajuntament de Vielha e Mijaran e dirigida per Miguel Pineda s’amièc a tèrme pendent es dies 14, 15 e 16 de junh en cine de Vielha damb gran èxit de public
Aguest maitin s’an amassat ena sedença der Ajuntament de Vielha e Mijaran representants dera Junta Locau d’Aran der AECC, dera Escòla Tschaikowsky e deth madeish consistòri entà formalizar era entrèga des 1.416€ recaptadi pendent aguesti dies.
Ua quarantea de persones, adults e mainatges, an participat n’aguesta tresau edicion de teatre musicau. Aguesti sòs seran destinadi as colònies qu’era AECC organize de hè 19 ans en Aran entà mainatges e mainades qu’an patit o patissen càncer. Enguan aguestes colònies s’amiaràn a tèrme deth 15 ath 22 de junhsèga en Salardú. Er objectiu d’aguesti campaments d’ostiu ei eth de normalizar era situacion d’aguesti joeni en tot realizar activitats de léser, conéisher a d’auti joeni ena madeisha situacion e compartir experiéncies e viuences restacades damb era malautia que les resulte dificil de compartir damb d’auti.
*Ena fotografia, de quèrra a dreta: Ana Arrufat, directora Escòla Tschaikowsky, Maria Vergés, dusau Tinent d’Alcalde der Ajuntament de Vielha e Mijaran, Rosa Toló, presidenta dera Junta Locau dera AECC en Aran, e Jordi Arjó, psicològ dera AECC.
20/06/2018