Notícies Veir istoric
Era Escòla Mairau Era Cunhèra a celebrat eth sòn hestivau de finau de cors
Aguesta tarde es mainatges e mainades dera Escòla Mairau Era Cunhèra de Vielha an celebrat er hestivau de finau de cors en cine de Vielha a on tanben s’an “graduat” es escolans de P2 qu’en seteme ja comencen era escòla
Era Escòla Mairau Municipau “Era Cunhèra” de Vielha e Mijaran a celebrat aguesta tarde eth sòn hestivau de finau de cors. Es mainatges e mainades de P0, P1 e P2 an actuat entath nombrós public qu’aumplie eth cine de Vielha. Familhars e coneishuts des escolans an podut assistir tanben ara ceremònia de graduacion des mès grani dera escòla, qu’en seteme passen dejà entà educacion infantila e que s’an hèt ua foto damb eth sòn barret e diplòma de graduadi qu’er Ajuntament les aufrís coma present de graduacion.
Pendent er acte, qu’a estat presentat pera dusau tinent d’alcalde e còsso d’ensenhament, Maria Vergés, cada cors a hèt ua petita actuacion musicau en tot acabar damb ua cançon que mainatges e familhes an cantat amassa.
Entà acabar era serada er Ajuntament de Vielha e Mijaran a aufrit un vrespalh saludable a toti es assistents.
12/06/2018