Notícies Veir istoric
Tresau edicion de Teatre Musicau en Vielha e Mijaran a cargue dera Escòla Tchaikovsky de Balh e Musica
Es pròplèu dies 14, 15 e 16 de junh se presente er espectacle de teatre musicau “Gésser en scena” dirigit per Miguel Pineda e protagonizat pes alumnes dera Escòla Tchaikovsky de Balh e Musica de Vielha e qu’enguan destine eth còst integre
Pendent es dies 14, 15 e 16 de junh, tàs 19:00, se representarà ena sala Era Audiovisuau de Vielha er espectacle de teatre musicau “Gésser en scena”, ua òbra dirigida per Miguel Pineda, a cargue des alumnes dera Escòla Tchaikovsky de Balh e Musica.
Ua quarantea de persones, adults e mainatges, participen n’aguesta tresau edicion qu’era Escòla presente en Vielha damb ua naua òbra de teatre musicau damb veus en dirècte. Enguan coma nauetat era entrada aurà un còst de 4€ que se destinaràn integrament a benefici des colònies entà mainatges e mainades damb càncer qu’era Associacion Espanhòla Contra eth Càncer (AECC) organize ena Val d’Aran a trauès dera sua Junta Locau.
Aguestes colònies celèbren enguan era sua 19au edicion e s’amiaràn a tèrme deth 15 ath 22 de junhsèga en Salardú. Er objectiu d’aguesti campaments d’ostiu ei eth de normalizar era situacion d’aguesti joeni en tot realizar activitats de léser, conéisher a d’auti joeni ena madeisha situacion e compartir experiéncies e viuences restacades damb era malautia que les resulte dificil de compartir damb d’auti.
Es entrades se pòden aquerir ena Escòla Tchaikovsky de Balh e Musica (Avgda. Pas d’Arró, 54 Edifici Sapporo. Vielha) e en Ajuntament de Vielha e Mijaran.