Notícies Veir istoric
Er ajuntament de Vielha e Mijaran inicie eth procediment participatiu entà modificar era Ordenança Municipau sus era regulacion dera Venda Ambulant e non Sedentària
Aqueri ciutadans, organizacions e associacions que poguen veder-se afectadi pera futura norma, pòden enviar es sues opinions ath respècte
Enquiath pròplèu 31 de mai, ei dubèrt eth periòde de consulta entà modificar era Ordenança Municipau sus era regulacion dera Venda Ambulant e non Sedentària en municipi de Vielha e Mijaran. Pendent aguesti lèu 15 dies, toti aqueri ciutadans, organizacions e associacions que se poguen veir afectadi pera aprobacion d’aguesta ordenança, pòden enviar es sues opinions a trauès deth qüestionari que s’a premanit ath respècte.
Aguest procediment participatiu preten actualizar eth Reglament de Règim Interior deth Mercat Public de Vielha der an 1993, de manèra que s’adaptarà eth Reglament existent ara normativa vigenta e ara situacion actuau. En aguest sens, damb aguesta modificacion se poirà regular era venda ambulant e non sedentària en municipi de Vielha e Mijaran. Concretament se regularà era venda non sedentària en mercats periòdics, mercats ocasionaus e de productes estacionaus en locs installadi ena via publica.
Un viatge age finalizat eth periòde de participacion dera gent ena modificacion d’aguesta ordenança municipau, s’amiarà a tèrme era redaccion definitiva dera madeisha, e s’aurà d’aprovar en plen der ajuntament de Vielha e Mijaran tà que pogue entrar en vigor.