Notícies Veir istoric
Es alumnes de 6au cors dera Escòla Garona de Vielha celèbren Sant Jòrdi en tot interpretar ua òbra de teatre ena escòla mairau “Era Cunhèra”, ena residéncia Sant Antòni de Vielha e en talhèr ADDA
Pendent aguesta setmana, es escolans de 6au cors dera Escòla Garona an iniciat un cicle d’interpretacions dera òbra de teatre titolada “Quina hame a eth dragon” entà celebrar era hestivitat de Sant Jòrdi. Per un costat, aguest dimars es alumnes de 6au C, ac an hèt ena escòla mairau “Era Cunhèra” de Vielha, damb era mainadèra mès joena deth municipi.
Atau madeish, es auti grops de 6au tanben an previst interpretar aguesta òbra pendent es pròplèus dies. Aguest diuendres, es escolans de 6au A visitaràn era residéncia geriatrica Sant Antòni de Vielha, deuant dera gent grana, e eth pròplèu 1 de mai, es alumnes de 6au B seràn en talhèr aucupacionau ADDA (Associacion de Discapacitats d’Aran), entà apropar aguesta hèsta a diuèrsi sectors dera societat deth municipi.
Segontes era còsso d’Ensenhament e Cultura de Vielha e Mijaran, Maria Vergés:”Des der ajuntament volem arregraïr ara Escòla Garona, e ara mèstra Patricia González, qu’agen realizat aguesta activitat. Èm contents d’amiar a tèrme aguest tipe d’accions, en tot júnher diuèrsi sectors dera societat coma son es escolans, era grent grana e es andicapats”.