Notícies Veir istoric
Er ajuntament de Vielha e Mijaran presente eth projècte dera naua web toristica as empresaris deth municipi
Vielha e Mijaran compdarà damb aguesta naua plataforma a compdar d’aguest ostiu en tot posicionar ath municipi coma un referent de montanha
Er ajuntament de Vielha e Mijaran a presentat as empresaris deth municipi eth projècte de creacion dera naua plana web toristica que serà ua realitat a compdar d’aguest ostiu. Aguesta plataforma, sage de reforçar a Vielha coma un referent de montanha.
Segontes eth còsso d’Espòrts, Joenessa e Naues Tecnologies, Alberto López: “Era naua plana web serà un esturment que mos servirà entà que Vielha auance coma destinacion de montanha de referéncia enes Pirenèus. Ei ua plataforma estrategica e de planificacion deth municipi, a on es desparièrs empreses deth sector servicis i seràn anonciadi de forma gratuïta.”.
Er Ajuntament hè ja diuèrsi ans que trabalhe en aguest projècte, que fin finau veirà era lum aguest pròplèu mes de juriòl damb tot tipe d’informacion toristica sus eth municipi.