Notícies Veir istoric
Comencen es òbres deth nau parcatge tà caravanes de Vielha
Aguest nau equipament aurà ua capacitat de 34 places e serà en foncionament aguest ostiu
Pendent aguest mes d’abriu an començat es òbres entà bastir eth nau parcatge de caravanes de Vielha, plaçat en Mijaran. Aguest nau equipament, qu’ei amiat a tèrme pera enterpresa Cargolh Camper SL damb ua inversion finau ath tor des 100.000€, aurà ua capacitat de 34 places. Er ajuntament de Vielha e Mijaran a cedit en loguèr aguesti terrens per un periòde de 25 ans, entà dar cobertura a ua demanda cada viatge mès anauta en sector toristic coma ei eth des caravanes, en tot procedir a ordenar eth territòri.
Segontes eth baile de Vielha e Mijaran, Juan Antonio Serrano: “Eth municipi de Vielha e Mijaran ei pionèr en bastiment de parcatges tà caravanes ena Val d’Aran, qu’ei un airau damb fòrça preséncia en nòste parçan. Aguest nau parcatge ei de besonh e fòrça beneficiós entàs nòsti vesins, pr’amor qu’aguesta inversion non supause cap tipe de despena entàs ciutadans”.
Per tant, Vielha e Mijaran damb aguest nau parcatge aufrís ua solucion a ua problematica qu’ei comuna en Euròpa, e aguest madeish ostiu ja serà en foncionament entà acuélher ad aguest sector toristic.