Notícies Veir istoric
Fotbòl, badminton e marcha nordica es protagonistes d’ua Semana Santa força actiua en Vielha e Mijaran
Er Ajuntament de Vielha e Mijaran met a disposicion des ciutadans era Sala Polivalente de Vielha des deth 24 de mar enquiath 2 d’abriu de 9 a 21 ores
Era semana santa ei eth preambul ara fin der iuèrn e tanben eth moment ideau entà gaudir deth magnific entorn en que mos trapam. Per aguest motiu, des der Ajuntament de Vielha e Mijaran auem premanit fòrça actiuetats entà que toti es vesins e familhes de Vielha e Mijaran poguen gaudir d’ua semana santa damb fòrça actiuetats.
Des deth dissabte 24 enquiath 2 de març, era sala polivalenta de Vielha serà duberta entàs qu’es mainatges e maniades e tanben es mès joeni de Vielha la pogen gaudir pendent totes es vacacnes damb un orari de 9ores deth maitin enquiàs 21ores.
Coma ei tradicion enes darrèri ans, es dies 28 e 29 de març se disputarà en Vielha era ueitau edicion deth Torneig de Fotbòl Sala Femenin. Eth lòc a on se celebrarà era competicion, que cada an compde damb mès expectacion e participaires, serà eth Palai d’Espòrts, pista que compde damb ues excellentes condicions entara practica deth futsal. Es inscripcions, que contunhen daurides, e an arrecebut nombroses inscripcions d’equipes. Se tracte d’un torneg que pòden participar equipes de fotbòl femenin de totes es edats. En madeish Palai d’Espòrts de Vielha deth 26 ath 29 de març de 15:30ores a 17:30ores se realizarà un campus escolar de tecnificacion de tennis de taula e badminton. Ath delà, pendent era semana santa, contunham damb es gessudes de marcha nòrdica, toti es dissabtes entàs 10ores des era plaça dera glèisa.
Feliç e actiua semana santa tà toti!