Notícies Veir istoric
Era 98 Volta Ciclista a Catalunya arribe en Vielha e Mijaran aguest diuendres 23 de març
Vielha ei er scenari deth finau dera 5au etapa e era gessuda dera 6au etapa dera Vòlta Ciclista Catalunya
Ager deluns 19 de març comencèc en Calella era Vòlta Ciclista Catalonha 2018 qu’arribarà en Vielha e Mijaran eth prolèu diuendres 23 de març dempús de 25 ans sense visitar eth cap-lòc dera Val d’Aran.
Aguesta 98º edicion dera Volta Ciclista a Catalunya compde damb era participacion dera maximala division deth ciclisme internacionau e es melhors ciclistes e equipes deth mon entre es que destacam Nairo Quintana, Alejandro Valverde, Rigoberto Urán, Warren Barguil o Fabio Aru, entre d’auti. Gràcies ara participación des granes esteles deth ciclisme era corsa se poirà veir televisada en 190 paisi.
Entà Juan Antonio Serrano, baile de Vielha e Mijaran “era arribada dera Vòlta a Catalonha en Vielha supause era reafirmacion de que Vielha ei un municipi estremament ligat ath ciclisme ja que acuelh diuèrsi eveniments pendent er an gràcies as servicis e infraestructures qu’aufrís”. A mès Serrano ahig que “des der Ajuntament de Vielha e Mijaran arregraïm era confidança depositada en nòste municipi per part dera organizacional dera Volta ja que mos ajude a contunhar en tot plaçar Vielha e Mijaran coma un municipi de referéncia esportiua”
20/03/2018