Notícies Veir istoric
Er Ajuntament de Vielha e Mijaran e eth Centre de Tecnificacion d’Espòrts d’Iuèrn Val d’Aran (CETEI) presenten era dusau ponéncia e documentau sus espòrts de montanha ena Sala Audiovisuau de Vielha
Eth corredor de ultra hons Marcos Yánez serà er encargat de realizar es ponéncies e era presentacion deth sòn documentau “No solo 18 horas"
Eth pròplèu dia 12 de març, se realizarà era dusau charrada laguens deth cicle de ponéncies sus espòrts de montanha organizat per Ajuntament de Vielha e Mijaran e eth Centre de Tecnificacion d’Iuèrn Val d’Aran.
Er esportista de ultra hons Marcos Yánez, realizarà era presentacion deth sòn documentau “No solo 18 horas" en quau retrate era sua carrera en solitari de 120 quilomètres per Islàndia. Ath delà dera projeccion deth documentau, Marcos Yánez realizarà ua brèu ponéncia en tot explicar era sua istòria e trajectòria coma esportista.
Era presentacion e era projeccion deth documentau se realizarà deluns que ven 12 de març as 17:00 ores ena sala Audiovisuau de Vielha e aurà caractèr benèfic damb un prètz de 2 €, donques que toti es sòs arrecuelhudi dera entrada se destinaran integralaments ara luta contra era leucèmia.
Entà Alberto López, còsso d’espòrts der Ajuntament de Vielha e Mijaran "viuem en un territòri a on er espòrt e era activitat fisica son ara orde deth dia, era montanha ei eth nòste principau miei e en era desvolopam ua infinitat d’activitats pendent tot er an. A trauès d’aguesti cicles de ponéncies e documentaus artenhem atrèir as nòsti joens enes diferentes modalitats esportiues, explicades a trauès des sòns protagonistes".
07/03/2018