Notícies Veir istoric
Telefónica desplegue era fibra optica enes pòbles de Vielha e Mijaran
Era dusau fasa d’implementacion dera fibra optica en municipi de Vielha e Mijaran provedirà a totes es Entitats Municipaus Descentralizades progressivaments pendent enguan.
Pendent eth mes de mai de 2017 comencèc era prumèra fasa de trabalhs de desplegament dera fibra optica en pòble de Vielha, enes quaus se realizèren es trabalhs d’adeqüacion dera centraleta de Telefónica e deth cablejat deth nau hilat de nauta velocitat.
Enguan eth desplegament dera fibra optica arribe enes Entitats Municipaus Descentralizades deth municipi en tot connectar des dera centraleta de Vielha es pòbles de Aubert, Betlan, Casarilh, Casau, Escunhau, Gausac, Mont, Montcorbau e Vila. Es trabalhs d ’implementacion ena EMD d’Arròs e Vila se realizarà progressivaments, en tot començar es accions a Vila e en tot finalizar-les en Arròs, un còp connècten damb era subestacion de Telefónica deth terçon de Lairissa.
Cau destacar qu’es pòbles mès petiti èren es mès afectadi pera “bretxa digitau” de tot eth municipi. A compdar d’ara, aguesti, gaudiràn exactaments des madeishes condicions que Vielha. Era arribada dera fibra optica presentarà un impuls entà emprenedors que generarà naues oportunitats economiques.
27/02/2018