Notícies Veir istoric
Era exposicion ‘Catalunya Bombardejada’ daurís es sues pòrtes
Deth 13 d’octobre enquiath 15 de deseme
Eth pròplèu deluns 13 d’octobre s’inaugure era exposicion ‘Catalunya Bombardejada’ ena sala d’exposicions de Vielha, en motiu deth 75 anniversari des bombardaments ara poblacion civiu e infrastructures catalanes pendent era Guèrra Civiu.
En acte d’inauguracion, dirigida peth baile de Vielha e Mijaran, Alex Moga, tanben participarà, en representacion deth Memorial Democràtic, eth director de servicis territoriaus en Lhèida, Naut Pirenèu e Aran, Jordi Curcó.
Era inauguracion dera mòstra aurà lòc eth 13 d’octobre, eth madeish dia que daurís es pòrtes ath public, entàs 19 ores. Era sala d’exposicions de Vielha, ena Avenguda Pas d’Arró, 7, daurís de dimars a dimenge en orari de 19 a 21 ores.
Era exposicion visuau compde damb ua sèria de pannèus que mòstren es conseqüéncies des bombardaments en diferenti scenaris de Catalonha que passen per Barcelona, Tarragona e Lhèida, entre autes, que deishèren peada des afectacions tant a nivèu economic, sociau e industriau.