Notícies Veir istoric
Eth president dera Federacion de Municipis de Catalunya visite er Ajuntament de Vielha e Mijaran
Aguest maitin eth president dera FMC, Xavier Amor, a visitat er Ajuntament de Vielha e Mijaran amassa damb eth Secretari Generau d’aguest organisme, Ignacio Soto. An estat recebudi per alcalde de Vielha e Mijaran, Juan Antonio Serrano, e es còssos dera corporacion Alberto López e Maria Vergés.
Pendent era amassada, ara que tanben an assistit Francés Boya, deputat provinciau, e Amador Marqués, alcalde de Bossòst e membre deth comitè executiu dera FMC, s’an tractat diuèrsi ahèrs coma era complèxa situacion des ajuntaments pr’amor dera actuau legislacion estatau, eth deute dera Generalitat damb es escòles mairaus o era possibilitat de qu’era FMC amie a tèrme jornades de formacion tà cargues elèctes e foncionaris en Vielha e Mijaran.