Notícies Veir istoric
Supòrt as afectadi per ERA ena piscifactoria de Les
Concentracion de protèsta ena boca nòrd deth Tunèl de Vielha
Er Ajuntament de Vielha e Mijaran da eth sòn supòrt as familhes e trabalhadors afectadi per Expedient de Regulacion d’Aucupacion (ERA) enes enterpreses de Les Neoelectra Aran, Carboneco e Caviar Nacarii, e se some ara crida e concentracion deth 10 d’octobre ena boca nòrd deth Tunèl de Vielha en protèsta deth barrament dera centrau piscifactoria de Les.
En representacion der Ajuntament de Vielha e Mijaran, a participat ena crida eth còsso d’òbres e servicis, Carlos Nart. Tanben an assistit d’auti representants d’entitats publiques dera Val d’Aran coma eth Sindic deth Conselh Generau d’Aran e es alcaldes de Les e Bossòst.
Ena manifestacion, qu’agut lòc ena boca nòrd deth Tunèl de Vielha, an participat apròp d’un centenat de persones entre vesins de Les e d’auti pòbles dera Val d’Aran, atau coma membres deth sindicat dera UGT e an talhat eth pas pera via aguest meddia.
10/10/2014