Notícies Veir istoric
Era pista de gèu deth Palai de Gèu de Vielha se place coma un referent esportiu
Es constants esfòrci der Ajuntament de Vielha entà melhorar es condicions des installacions deth Palai de Gèu de Vielha atrèn competicions e eveniments esportius ath municipi damb un naut impacte sociau e economic.
Gràcies as constants esfòrci der Ajuntament de Vielha entà mantier es bones condicions es installacions deth Palai de Gèu de Vielha, a hèt qu’es Federacions esportiues de gèu se senten atrètes pera installacion e volguen programar es sòns eveniments esportius ena pista de gèu de Vielha.
Era pista de gèu ei un lòc compartit per aqueri clubs e entitats araneses coma eth CEGVA Aran, eth Club Curling Val d’Aran o er Hockei Gèu Aran, ath delà d’èster un lòc d’òci recreatiu entàs ciutadans e entàs visitants de tota era Val d’Aran. A causa dera grana afluéncia e demanda que i a ena pista de gèu, er Ajuntament de Vielha e Mijaran contunhe en tot melhorar es condicions dera pista de gèu, eth darrèr trabalh realizat a estat era revision de tota era cubèrta entà evitar filtracions d’aigua.
Es installacions deth Palai de Gèu, e en concrèt era pista de gèu, supausen un important motor economic entath municipi, en tot èster ua activitat complementària entàs toristes que mos visiten. Entà Alberto Lopez, còsso d’espòrts der Ajuntament de Vielha “èm fòrça contenti damb es condicions de gèu qu’auem artenhut gràcies ar esfòrç e era implicacion deth personau de mantenement deth Palai de Gèu atau coma eth de totes es entitats que gaudissen d’eth. Ei fòrça important mantier era pista de gèu enes melhores condicions donques qu’ei un atractiu mès entà que Vielha e Mijaran se seguisque pocisionanant coma un municipi de referéncia entara practica d’espòrts d’iuèrn”
08/11/2017