Notícies Veir istoric
Er ajuntament de Vielha e Mijaran premanís es cementèris entà Toti Es Sants
Ath delà des labors de mantenement pendent er an, er Ajuntament de Vielha e Mijaran prepare es cementèris de toti es pòbles damb motiu de Toti Es Sants
Un an mès, er Ajuntament de Vielha e Mijaran realize des de hè diuèrsi dies trabalhs de jardineria eth toti es cementèris des pòbles de Vielha e Mijaran. Aguesti trabalhs d’optimitzacion des cementèris se somen as labors abituaus que se realizen pendent er an de neteja e mantenement en aguesti d’aguesti cementèris.
Es prètzhèts mès destacadi pendent aguesti darrèri dies an estat d’esbrossat, segat, poda e neteja, en tot melhorar atau er aspècte des madeishi entàs visites damb motiu dera hestivitat de Toti Es Sants. D’aguesta forma, damb es mencionades accions eth consistòri vò preservar aguestes installacions municipaus e que demoren enes melhores condicions possibles entara afluéncia de visites d’aguest dia d’arrebrembe.
Es cementèris representen eth lòc de pòsa des nòsti parions, es arraïtzes des nòstes familhes. Per aguest motiu, des der Ajuntament de Vielha e Mijaran se les vò hèr un aumenatge e qu’es sòns arrebrembes seguisquen presents en nòste dia a dia.
31/10/2017