Notícies Veir istoric
Betren celèbre aguesta dimenjada era sua Hèsta Major
Ua dimenjada plia d’actiuetats tà tota era familha pendent era dimenjada entà celebrar era Hèsta Major deth Rosèr.
Era Hèsta Major de Betren comence aué diuendres enquia eth proplèu dimenge dia 1 d’octubre.
Eth pòble de Betren compdarà pendent tota era dimenjada damb diuerses actiuetats enta tota era familha. Era hèsta comence aué diuendres 29 de seteme as 17:30 ores damb ua Bandoada de campanes entà anonciar eth començament dera hèsta. Pera net, as 23 ores se realizarà ua Loto- Quinto seguida de session de balh damb era orquèstra Tatuaje Eth dissabte 30 de seteme era hasta de betren comence damb actiuetats entàs mès petiti damb un Concors de diboish as 11:30ores. Ara seguida, un aperitiu tath pòble aufrit pera Comission de Hèstes de Betren. As 15:30 ores se realizarà eth Campionat de botifarra ena sala deth pòble. Era tarde ei destinada as mainatges e maniades damb jòcs infantils e era actuacion infantil de “Pallasos” entà toti.
As 18:30 ores se celebrará eth “concors de coquilhon” e entàs 19 ores era competicion de PASSA-PERTOT e entàs 00:30 ores, eth balh de net.
Eth dimenge 1 d’octubre as 12 ores se celebrará era processon e missa en aunor ara Mair de Diu deth Rosèr, seguida de balhs aranesi damb Es Fradins de Vielha seguida d’ ua pasavila damb era charanga.
Pendent era tarde, as 17 ores se realizarà un karaòke infanti, seguit deth tradicionau partit de pilòta (saque) ena Placeta. Era Hèsta de Betren finalizarà as 19 ores damb era session de balh de tarde.
Des der auntament de Vielha e Mijaran vos convidam a toti es vesins de Vielha e Mijaran a celebrar era Hèsta Major deth Rosèr amassa dame toti es vesins e vesies de Betren.
Vos i demoram!