Notícies Veir istoric
Torne a Vielha era dusau edicion deth popular campionat North Face Enduro
Es dies 16 e 17 de seteme Vielha acuelh eth campionat de BTT Enduro
Pendent era dimenjada que ven deth 16 e 17 de seteme, eth cap-lòc dera Val d’Aran se convertís en epicentre dera modalitat de enduro deth Pirenèu damb er acuèlh dera dusau edicion deth campionat Noth Face Enduro Series.
Era organizacion der eveniment non desvelharà eth lòc exacte de realizacion enquia uns dies abantes dera pròva, mès çò qu’òc podem auançar ei qu’eth North face Enduro s’amiarà a tèrme entre es bòsqui ath torn de Vielha e Mijaran.
Era realizacion d’aguest tipe d’eveniments esportius, ath delà de supausar un impacte economic positiu en Vielha e Mijaran, tanben supause eth melhor reclam pr’amor qu’es visitants dera Val d’Aran coneishen aguest territòri coma eth melhor lòc des Pirenèus entara practica de diferentes modalitats de biciclèta, coma eth descens o eth enduro.
Atau, eth dissabte comence era jornada damb era reconeishença deth circuit e ua Crono de tram secrèt a on s’establirà er orde de gessuda entara carrèra. Dempús, ja pera tarde, se realizarà un pica pica damb tiratges de materiau e recuelhuda des adesius damb er orde de gessuda deth dimenge. Ja londeman, dimenge 17, ara 8 ores se darà inici ara Carrèra North Face Enduro Race, eth podium e eth minjar damb es assistents.
Ua dimenjada plia d’actiuetats en Vielha entàs aficionadi ath Enduro en toti es sòns nivèus.
12/09/2017