Notícies Veir istoric
Vielha se vestís de gala entà celebrar es sues hèstes majors.
Es hèstes majors 2017 an ja arribat damb ua ampla programacion gràcies ath gran trabalh dera Comission de Hèstes de Vielha, pr’amor qu’es hèstes se convertisquen en tot un eveniment entà tota era familha e tanben entàs mès joeni e majors.
Era setmana passada era Comission de Hèstes repartic es mès de 2000
exemplars deth programa de hèstes per totes es cases dera poblacion, un
gran trabalh qu’a permetut que toti es ciutadans coneishen totes es
activitats programades enquiath 11 de seteme. Es activitats pes mès
petites son es principaus protagonistes de de era setmana com son: eth duatlon infantil, es Mini Olimpiades, jòcs infantils a cargue d’Aran Thal, concorsi de disfrassi, session de cinèma infantil entre ues autes. Ath delà, des mainatges,
era comission de hèstes amassa damb er ajuntament de Vielha e Mijaran, tanben an preparat activitats entà tota era familha coma eth minjar popular, accions musicaus de havaneres, mariachis, sardanes, orquèstres en carrèr, sessions de balhs ena sala de hèstes damb es orquèstres Euròpa, Galatea, Junior’s, Moonlight, Magnum e Quartz, ath delà des tradicionaus huecs artificiaus que barraràn, coma ja ei de costum, es hèstes majors de Vielha.
Entre
es actes, volem destacar eth dia 7 de seteme as 18:30, en quau se
realizarà es passacarrèrs entà dar era benvenguda as reines ath delà
dera sua coronacion en Ajuntament de Vielha e
Mijaran. Eth dia 8 de seteme, dia dera Hèsta major de Vielha, debanarà
era procession que se realize des dera plaça dera glèisa de Vielha
enquiath Santuari dera Mair de Diu de Mijaran. Era gessuda des dera plaça dera glèisa se realizarà as 10:30 ores e era missa solemna dedicada ara Mair de Diu de Mijaran s’amiarà a tèrme tàs 11, seguida de de balhs aranesi a cargue de Es Fradins de Vielha e Era Còlha Santa Maria de Mijaran ena plaça dera glèisa de Vielha.
Des der Ajuntament de Vielha e Mijaran animam a toti es ciutadans a participar er es diferentes actes dera hèsta major. Erosa Hèsta major!
06/09/2017