Notícies Veir istoric
Era siesau edicion dera RodiBook a un impacte economic de mès de 330.000€ en municipi
Pendent era dimenjada passada, Vielha pengèc enes sòns establiments eth pannèu de complèt gràcies ad acuèlh de 800 motociclistes.
Era dimenjada passada Vielha acuelhec era siesau edicion dera carrèra non competitiva RodiBook.
Er acuèlh d’eveniments esportius d’aguesta índole, ath delà de plaçar en Vielha e Mijaran coma un municipi perfèctaments adaptat entara realizacion d’eveniments, tanben a un notable impacte toristic e economic en territòri. Pendent era dimenjada dera realizacion dera pròva, es establiments de Vielha e Mijaran, se trobèren quasi ath cent per cent d’aucupacion.
Enguan, era RodiBook s’a realizat pendent ua dimenjada que normauments ei pòc actiua eth çò qu’a torisme se referís, donques que supause era fin deth mes d’agost e er inici deth mes de seteme. Era siesau edicion dera RodiBook a agut un impacte dirècte de 330.000€ en Vielha, ath delà der impacte indirecte qu’a a nivèu sociau e culturau eth tot eth territòri.
Entà Juan Antonio Serrano, baile der ajuntament de Vielha e Mijaran “gràcies ara RodiBook, ath delà de contunhar en tot plaçar Vielha coma un municipi de referéncia en Pirenèu, tanben a supausat un increment entà toti es establemente deth cap-lòc donques que s’a realizat pendent ua dimenjada que normauments a pòca afluéncia toristica.”
04/09/2017