Notícies Veir istoric
Òbres de mantenement e melhora ena Escòla Garona
Er Ajuntament de Vielha e Mijaran, a realizat un plan de melhores e mantenement ena Escòla Garona pendent es mesi d’ostiu en tot adaptar es installacions deth centre segontes critèris de seguretat e confort
Er Ajuntament de Vielha e Mijaran realize òbres de mantenement e melhora ena Escòla Garona.
Pendent
eth cors escolar era Escòla Garona compde damb un servici integrau de
mantenement. Maugrat açò, damb era fin deth cors escolar, er Ajuntament
de Vielha e Mijaran a començat ua sèria de melhores enes installacions
entà ua major optimitzacion des aules e des diferenti espacis qu’aufrís
eth centre, tau coma realize dempús de hè dus ans a peticion dera
direccion deth centre
En aguesta ocasion s’an realizat òbres
menors coma er apariament de desperfectes enes aules. Atau madeish es
principaus prètzhèts que se realizen son era pentura de totes es aules,
correders e zònes comunes. Entre auti prètzhèts destacam eth escatat,
vernissat e corrècte mantenement des hustes decoratives ena zòna deth
pati des escolans de preescolar e eth arranjament des desperfectes deth
solèr dera entrada dera Escòla Garona. Ua auta des melhores que se van a
realizar va a èster eth pintat des linhes deth pati damb era fin de
diferenciar es diferenti espacis.