Notícies Veir istoric
Er Ajuntament de Vielha e Mijaran inície eth tramit de sollicitud de Forfaits entara sason 2017-2018
Eth tèrme entara gestion deth forfait de Baqueira/Beret ei enquiath 10 d’octobre de 9h a 14h enes burèus der Ajuntament de Vielha e Mijaran.
Er Ajuntament de Vielha e Mijaran a daurit eth tèrme pr’amor que toti es vesins residents en municipi que volgatz auer eth forfait d’esquí dera estacion Baqueira/Beret entad aguest iuèrn, ac poguen tramitar des d’aguest ajuntament.
Baqueira Beret aufrís diuèrses modalitats de forfait entà adults, joeni residents e universitaris, entàs residents o era modalitat d’entre setmana.
Es mès joeni pòden aquerir eth forfait segons era sua edat, ubicacion o preferéncia. Era prumèra opcion va destinada as joeni residents en municipi qu’agen edats comprenudes entre es 18 e 25 ans (toti dus includidi). Aguesti joeni les cau residir, estudiar e trabalhar en municipi e auràn d’acredità’c damb era següenta documentacion: ua fotografia en carnet, ua fotocòpia deth DNI, ramplir er estampat de sollicitud, un certificat der Ajuntament de Vielha qu’acredite qu’a eth padró municipau damb ua antiquitat minima de 5 ans, e un certificat emetut pera Agencia Tributaria del Domicilio Fiscal o ben ua fotocòpia dera prumèra pagina dera declaracion dera renda e era acceptacion des condicions deth forfait.
Es joeni universitaris aranesi damb edats comprenudes des 18 as 25 ans, tanben an un forfait especiau. Aguesti les cau liurar en Ajuntament de Vielha era madeisha informacion qu’es joeni residents, ath delà dera fotocòpia dera matricula universitària deth cors lectiu 2017-2018.
Ath delà, entad aqueri joens que non pogatz o volgatz eth forfait de tota sason, Baqueira Beret aufrís era opcion d’un forfait entre setmana entà joeni de 18 ans a 22 ans. Era informacion a presentar ei era madeisha qu’es auti forfaits.
Es modalitats e tarifes de forfait son es següentes:
1. Adults Residents majors de 25 ans (Adult Valle) damb un prètz de 700€.
2. Joeni Residents de 18 a 25 ans (Joen Valle) damb un prètz de 500€.
3. Universitaris Aranesi de 18 a 25 ans (Universitaris Valle) damb un prètz de 500€.
4. Mainatges Residents de 6 a 17 ans (Infantil/Juvenil Valle) damb un prètz de 130€.
5. Entre setmana entà Joeni Aranesi de 18 a 22 ans (Entre setmana - Joens Valle) damb un prètz de 130€.
6. Entre semana adults damb un prètz de 500€.
7. Menors de 7 ans damb un prètz de 32€
8. Majors de 70 ans damb un prètz de 32€
31/08/2017