Notícies Veir istoric
“Pren-te eth tòn Temps” en Vielha deth 19 ath 25 d’agost
TEMYQUE, Sigles de ‘Tengo Esclerosis Multiple y QUÉ’, escuelhen Vielha entà organizar ua des gessudes e activitats entàs sòns membres , “Pren-te eth tòn Temps”
TEMYQUE (‘Tengo Esclerosis Multiple y QUÉ) ei ua entitat sense ànim de lucre dedicada majorment a realizar activitats d’òci entà persones damb ua malautia neurodegenerativa, era Esclerosi Multiple (ME). Aguesta entitat promò es activitats dehòra dera vida quotidiana des sòns membres, e an escuelhut Vielha entara sua activitat “Pren-te eth tòn Temps”.
Un des objectius principaus d’aguestes activitats ludiques de TEMYQUE ei ajudar a toti es sòns membres damb ME a superar barrères que se traten pendent eth dia a dia. Aguestes barrères van ath delà des fisices e, eth fòrça casi, includissen isolament e immobilisme. Per açò, aguestes iniciatiues fomenten era seguretat en un madeish, era collectivitat e ua perspectiva fòrça mès positiva deuant es rèptes que les cau afrontar.
Vielha se tròbe preparada entà arrecéber as membres participaires e volontaris de TEMYQUE qu’an coma objectius generaus d’aguesta accion hèr conéisher era malautia, collaborar damb er hèt que persones damb ME compartisque experiéncies dehòra dera sua quotidianitat, e favorir as familhes e cuidadors des persones damb ME de un periòde de descans.
Gràcies a cites coma d’ aguesta de “Pren-te eth tòn Temps”, TEMYQUE ath costat der Ajuntament de Vielha e Mijaran vòlen mostrar e facilitar era comprenença, tant as participaires coma as sues familhes, que “eth dia a dia non haurie d’ èster necessàriaments complicat, damb es adaptacions oportunes, per descompdat. ”, tau coma explique era directiua de TEMYQUE.