Notícies Veir istoric
Comunicat der Ajuntament de Vielha e Mijaran
Des der Ajuntament de Vielha e Mijaran volem informar a toti
es vesins sus era situacion e afeccions qu’aurà era grèva des examinadors de trafic en municipi.
A compdar deth 4 de seteme es examinadors dera Direccion generau de Trafic iniciaràn ua grèva indefinida qu’obligue a suspéner toti es examens de conduccion en Vielha e se transpòrten ara Pobla de Segur damb era fin de
concentrar-les en un madeish punt.
Eth baile Juan Antonio Serrano, s’amassèc damb es responsables de DGT de Lhèida entà dar e conéisher era sua preocupacion, “resulte fòrça dificil entà un territòri coma eth nòste desplaçar-mos enquia era Pobla de Segur, non existís càp tipe de servici de transpòrt public dirècte entre Vielha e la Pòble de Segur. Cau destacar que non ei eth prumèr còp qu’era Val d’Aran se demore ath marge des solucions aufrides peth govèrn, tant a nivèu de servicis coma de
infrastructures.” Tanben soslinhèc que: “des der Ajuntament de Vielha e Mijaran seguiram en contacte permanent damb era DGT pr’amor que mos informen de totes es novetats que i age referent ara grèva, en tot demorar ath hèt qu’arriben en un acòrd entà atau poder seguir en tot aufrir en Vielha aguest servici tan de besonh entara nòsta poblacion.”