Notícies Veir istoric
Congelacion de toti es impòsti e taxes municipaus entath 2015
Er Ajuntament de Vielha e Mijaran congèle toti es impòsti e taxes municipaus de cara ar an 2015. Damb aguesta decision, enes darrèri quate ans s’auràn congelat es impòsti e s’an redusit es taxes dera Escòla Mairau, damb er objectiu de potenciar er increment d’escolans e era conciliacion familhau e laborau.
Tanben s’a redusit era taxa d’aucupacion dera via publica damb taules e cagires enquiath 70% entà impulsar eth sector dera ostalaria, damb era disminucion dera carga fiscau d’ua activitat economica clau entath municipi.
Se mantien, per aute costat, es madeishes quantitats qu’en 2007 per çò qu’ei er IBI, IAE, ICIO e veïculs. Tanben s’a mantengut er impòrt dera taxa d’aigua de 2007.
En paraules der alcalde de Vielha e Mijaran, Alex Moga, “auem complit damb eth compromís de govèrn de redusir era carga fiscau entà incentivar era economia e eth progrès sociau entàs familhes deth municipi”.