Notícies Veir istoric
Vielha e Mijaran acuelh era carrèra cicloturista Campilaro
Vielha e Mijaran s’a convertit en scenari dera tresau e quatau estapa dera Campilaro. Eth municipi s’assolide coma un scenari qu’acuelh eveniments esportius de quina modalitat que sigue.
Era competicion cicloturista Campilaro aufrís un recorregut totau de 350 quilomètres a trauès des Pirenèus. Ager deluns 24 de junhsèga era carrèra ciloturista Campilaro acabèc era sua tresau estapa en eth Pòrt dera Bonaigua dempús d’un recorregut des de Luchon e en tot passar peth Portilhon. Aué dimars 25 era Campilaro a realizat era sua quatau e darrèra estapa en tot gésser des dera plaça dera glèisa de Vielha as 8ores. Es ciclistes recorreràn es 104km que separen era Val d’Aran deth Col d’Azet, en França.
Aguest tipe de competicions, an un impacte positiu a nivèu economic e sociau en Vielha, donques que tant otèls coma restaurants e establiments de Vielha ven notablaments aumentadi es sòns ingrèssi. Ath delà, gràcies ar acuèlh d’aguest tipe d’eveniments, Vielha s’assolide coma eth scenari perfècte entara realizacion de quinsevolh eveniment esportiu que sigue dera modalitat que sigue.
Entà Alberto López, còsso d’Espòrts der Ajuntament de Vielha e Mijaran “er acuèlh dera Campilaro en nòste territòri, mòstre eth fèrm compromís qu’auem des der Ajuntament de Vielha damb er espòrt atau coma, supause ua iniciatiua mès entà assolidar Vielha e Mijaran coma un scenari perfècte entà eveniments d’aguest tipe.” Lopez Tanben declare que “pendent aguest estiu Vielha acuelh diferenti eveniments culturaus e esportius que mos ajuden a plaçar eth cap-lòc dera Val d’Aran coma un municipi de referéncia des Pirenèus e tanben a nivèu estatau”.