Notícies Veir istoric
Stage dera Liga ACB entà maniatges e mainades deth Camp Movistar by Liga Endesa
Vielha ei eth scenari deth Camp Movistar by Liga Endesa deth 24 ath 31 de junhsèga.
Er Ajuntament de Vielha e Mijaran presente eth stage dera Liga ACB entà mainatges e mainades deth Camp Movistar by Liga Endesa. Deth 24 ath 31 de junhsèga Vielha serà un ample campus de basquetbòl destinat a 45 mainatges e mainades, d’edats entre es 8 e 14 ans.
Es activitats d’aguest stage de basket dera Liga ACB an aguest espòrt coma èish centrau deth programa esportiu, encara que tanben se realizaràn excursions e activitats ena Val d’Aran, coma senderisme, patinatge, natacion… Eth Camp Movistar by Liga Endesa compdarà damb era participacion de dus arbitres dera Liga Endesa: Pere Munar e Juan De Dios Oyon , qu’impartiràn un talhèr sus Jòc Net, ua interessanta oportunitat entà conéisher es valors esportius entre es maniatges e es joeni de Vielha e Mijaran.
Gràcies a d’aguest tipe d’iniciatiues, Vielha se convertís er un referent esportiu ena organizacion d’eveniment d’aguest tipe. Alberto López, Còsso d’Espòrts der Ajuntament de Vielha e Mijaran, declare que “en Vielha volem potenciar er espòrt entre es mès joeni en tot aufrir infrastructures perfèctaments condicionades entà acuélher aguest tipe d’eveniments esportius”.
24/07/2017