Notícies Veir istoric
Vielha e Mijaran organize un programa de temps liure infantil pendent eth mes d’agost
Er Ajuntament trabalhe entà aufrir pendent tot eth mes d’agost activitats gratuïtes entà mainatges e familhes de diuendres a dimenge complementari ara rèsta d’activitats d’ostiu.
Er Ajuntament de Vielha e Mijaran aufrirà as mès petiti deth municipi activitats infantiles en carrèr damb motiu des vacances d’ostiu. Dempús d’analisar era aufèrta de casaus d’ostiu deth municipi e conéisher era demanda d’activitats aucupacionaus entà mainatges, ei de besonh crear entàs dimenjades activitats que corbisquen es besonhs des mainatges e fomenten era conciliacion familhau tanben pendent eth periòde estival.
Es diuendres 11, 18 e 25 d’agost, er Ajuntament de Vielha e Mijaran convide a totes es familhes as jornades de teatre e animacion infantila, e es dimenjades d’agost 12-13, e 16-17 e 19-20, se realizaràn diferenti jòcs infantils de 17ores a 21ores.
D’aguesta manèra, er Ajuntament de Vielha e Mijaran complete era agenda d’activitats der ostiu, en tot aufrir a mainatges e joeni activitats que conviden a fomentar era psicomotricitat, era creativitat e era imaginacion a compdar dera participacion enes iniciatiues culturaus.
21/07/2017