Notícies Veir istoric
Er Ajuntament de Vielha e Mijaran installe un hilat wifi gratuït ena plaça dera glèisa de Vielha
Damb era arribada dera sason toristica d’estiu eth consistòri installe un hilat wifi public entà perméter era connexion en internet tant as ciutadans coma es toristes que mos visiten.
Er Ajuntament de Vielha e Mijaran installe un hilat de wifi public e gratuït qu’aufrís cobertura era plaça dera glèisa de Vielha. Entà accedir ar hilat se pòt hèr mejançant es diuèrsi canaus sociaus, coma Facebook, Twitter e Instagram, o ben en tot ramplir un formulari. A dia d’aué, eth hilat navègue a maximala velocitat e serà agranit damb era arribada dera fibra optica. Es connexions d’accès ath wifi public an un limit d’ua ora, mès es usatgèrs poderàn connectar-se tanti còps coma volguen ath dia.
Se tracte d’un projècte pilòt que s’executarà pendent tot er estiu damb era prevision d’arribar a tot er èish comerciau de Vielha. Gràcies ara installacion gratuïta, amassa damb era arribada dera fibra optica, se preten que Vielha e Mijaran sigue un municipi digitalizat e qu’aufrirà un bon servici ara poblacion e as toristes.
Alberto López, còsso de Naues Tecnologies der Ajuntament de Vielha e Mijaran explique que “damb aguest nau projècte pretenem arténher eth trencament der horat digitau que viuíem en municipi aguesti darrèri ans. Gràcies ara digitalizacion de Vielha demoram optimitzar es servicis publics e melhorar era experiéncia des nòsti visitants”.