Notícies Veir istoric
Eth Palai de Gèu presente ua grana aufèrta enta er estiu.
Eth Palai de Gèu aufrís estades esportiues de patinatge artistic, corsi de natacion e activitats dirigides pendent es mesi de junhsèga e agost.
Eth Palai de Gèu aufrís estades esportiues de patinatge artistic, corsi de natacion e activitats dirigides pendent es mesi de junhsèga e agost.
Es installacions esportiues deth Palai de Gèu compden damb ua ampla aufèrta entà er estiu de diuèrses activitats a realizar: natacion, corsi de patinatge e activitats dirigides entre autes.
Es corsi intensius de natacion van destinadi a toti es nivèus e edats. Es corsi se desvolòpen de deluns a diuendres a compdar deth 10 de junhsèga e en tot depéner deth nivèu an oraris diferenti. Es corsi d’iniciacion an un orari de 17h a 18h, es de perfeccionament de 16h a 17h e de 18h a 19h e fin finau, es corsi entà adults se realizaràn laguens der orari de 20h a 21h.
Es corsi intensius de patinatge sus gèu se realizen jos era direccion de Nathalie Marrons, coordinadora deth programa de patinatge artistic sus gèu deth Palai de Gèu e actuau professora des installacions. Cau destacar qu’aguest estiu, era participacion d’escolans enes corsi de patinatge ei fòrça naut, e es escolans provien de diferentes parts deth territòri espanhòu coma Madrid o País Basc e tanben compdarà damb escolans francesi. A causa dera nauta participacion enes corsi, enguan es corsi de patinatge compden damb un entrenador tecnic extra.
Cada cors intensiu a ua durada de quate dies, e es grops de formacion son tres: Iniciacion (categoria Regionau B), Perfeccionament (categoria Regionau A) e Tecnificacion (categoria Nacionau). Eth sojorn esportiu deth Palai de Gèu classifique eth nivèu des patinadors era foncion d’aguestes categories.
Ath delà, eth Palai de Gèu compde damb diuèrses activitats setmanaus dirigides per diuèrsi entrenadors e que s’adapten perfèctaments as diferenti publics. Bères ues des activitats mès destacades son: zumba, spining, Ioga o aquafit entre autes. Aguestes activitats setmanaus an diferenti oraris segons es dates. Entà conéisher toti es oraris podetz accedir ara web deth Palai de Gèu.
Era piscina exteriora deth Palai de Gèu dauric es sues pòrtes eth passat 26 de junh ath costat de toti es sòns servicis coma vestuari, servici de bar e lavabos. Er orari dera piscina exteriora ei de 11h a 19ora
Es oraris des installacions deth Palai Gèu son de 09h a 22h entre setmana. Es dissabtes e festius (15 d’agost) de 12h a 14h e de 17,30h a 20,30h.
A causa des stages er orari de dubertura ath public ei dera pista de patinatge ei de 18,30h a 20,30 entre setmana e es dissabtes de 12h a 14h e de 17,30 a 20,30h. Toti es dimenges es installacions demoren barrades.
Tant aguesti corsi intensius de patinatge sus gèu, coma es de natacion e es accions previstes pendent aguest estiu ena piscina deth Palai de Gèu, son prepausades der Ajuntament de Vielha e Mijaran que fomenten er espòrt entre es ciutadans de la Val d’Aran e toti es sòns visitants.
Entà Juan Antonio Serrano, baile Vielha e Mijaran “entà nosati es installacions deth Palai de Gèu an ua grana importància importància sociau e economica, donques que se tracte d’ua installacion clau entàs pòbles de Vielha e Mijaran e dera rèsta deth territòri”.
Atau, aguestes activitats municipaus promòn eth trabalh en equipa e era armonia entre vesins e toristes mejançant er espòrt, er esfòrç e eth desir de superacion. Activitats eth çò Palau de Gèu entà toti, pr’amor qu’ei de toti.
04/07/2017