Notícies Veir istoric
Comunicat der Ajuntament de Vielha e Mijaran
En tot auer recebut nombroses consultes e demanes ath respècte der Impòst de Bens Immòbles (IBI) per part de vesins deth municipi, er Ajuntament de Vielha e Mijaran informe que:
• Segontes mos informen, era Gerencia Territoriau deth Cadastre pòrte a tèrme ua liquidacion complementària der IBI de 2012 ençà que, segontes a informat aguest ens, respon as revisions cadastraus qu’eri an portat a tèrme entara regularizacion d’immòbles damb caractèr retroactiu.
• Aguesta regularizacion non depen ne ei responsabilitat en cap cas der Ajuntament de Vielha e Mijaran.
• Er Ajuntament de Vielha e Mijaran recomane as vesins qu’agen dubtes ath respècte que contacten damb er Organisme Autonòm de Recaptacion plaçat en Carrèr Sarriulèra, 12 (telefon: 973641525) a on les facilitaran tota era informacion ath respècte.
• Atau madeish tanben se hè a conéisher qu’en cas de voler interpausar un recors ath respècte, s’a de contactar damb era Gerencia Territoriau deth Cadastre de Lleida.