Notícies Veir istoric
Dues activitats ena Bibliotèca Generau de Vielha
Eth dimars 28 e eth dijaus 30 d’octobre
Era darrèra setmana d’octobre era Bibliotèca Generau de Vielha celèbre dues activitats. Eth dimars 28 d’octobre s’amie a tèrme un talhèr d’escritura creatiua entà mainatges e eth dijaus dia 30 a lòc ua naua edicion de ‘Maleta de condes’.
Eth talhèr d’escritura creatiua entà mainatges (de 8 a 12 ans) serà eth dimars 28 a compdar des 18.30 enquias 20 ores, dera man dera pedagòga Verena Viaene. Era activitat preten jogar damb es paraules, inventar personatges e qu’es mainatges bastisquen es sues pròpries istòries entà que desvolòpen era sua creativitat, aquerisquen coneishences de lengua e comprenença lectora. Es places son limitades e es inscripcions se realizen ena madeisha bibliotèca.
Per aute costat, eth dijaus 30 se realize ‘Maleta de condes’ damb Sílvia Domínguez a compdar des 18 ores entà explicar condes tant de tradicion orau coma illustrats. Era activitat, qu’ei destinada a compdar de 4 ans, se base en ua valisa plia de condes que s’explicaràn entath gaudi des mès petiti.
23/10/2014