Notícies Veir istoric
Jornada de Pòrtes Dubèrtes ena Escòla Mairau “Era Cunhèra” de Vielha
Era Escòla Mairau “Era Cunhèra” celèbre aguest deluns 29 de mai era sua jornada de Pòrtes Dubèrtes entà presentar eth centre as familhes interessades.
Enguan era Escòla Mairau “Era Cunhèra” a artenhut eth major nombre de matricules des darrèri ans en tot arribar en màxim d’aucupacion. Maugrat tot, era evolucion normau deth centre preve qu’enes pròplèus setmanes, damb era fin deth cors escolar, se admeteràn naui escolans entath pròplèu curs.
Atau donques, atengut qu’aguest darrèr an a estat mercat peth succès des nombroses activitats realizades amassa entre er Ajuntament e era Escòla, era Jornada de Pòrtes dubèrtes se presente coma ua bona oportunitat entà explicar as familhes futures usatgères tot çò qu’aguest centre aufrís.
Aguesta cite se tròbe dubèrta a toti es pairs e mairs que volgatz conéisher era escòla mairau per laguens, installacions e foncionament, ja siguen inscriti o agen prevision en un futur pròplèu.
Entà Maria Vergés, còsso responsable der airau d’educacion: “Èm enòrmaments satisfèti des resultats qu’era Escòla obten” e ahigie que “encara que se tracte d’un servici non obligatòri enta er Ajuntament de Vielha e Mijaran, e maugrat er abandon que patim per part dera Generalitat er aguest àmbit, auem artenhut remontar ua situacion complicada e Era Cunhèra se presente coma un centre educatiu de referéncia, pròplèu as besonhs des familhes”.
Er orari d’aguestes Pòrtes Dubèrtes serà de 10h a 13h.
26/05/2017