Notícies Veir istoric
Arribe era tresau edicion der EMMeet ath Palai d’Espòrts
Deth 31 d’octobre enquiath 2 de noveme
Eth Palai d’Espòrts de Vielha acuelherà, deth diuendres 31 d’octobre ath dimenge 2 de noveme, era tresau edicion der European Mountain Meeting, ‘EMMeet Vielha 2014’, un congrès qu’amasse a quauqui des mielhors alpinistes, escaladors e esportistes de montanha deth mon entà dialogar sus es disparièrs espòrts de montanha.
Pendent tres dies se realizaràn conferéncies, exibicions, projeccions e gessudes tecniques d’escalada e trail running. Entre es esportistes que seràn en congrès trapam Alex Huber, Adam Bielecjo, Tim Emmett, Hansjörg Auer, Maie Malora e, deth panorama estatau, Ferran Latorre, Ekaitz Maitz, David Palmada e Alex Txikon.
Entre es activitats que se tròben en programa, trapam: ua exibicion de mountain bike, un talhèr de reanimacion cardiopulmonar e era projeccion deth documentau "Escalada", entre fòrça d’autes.