Notícies Veir istoric
Gran acuèlh enes gessudes de Marcha Nordica organizada per Ajuntament de Vielha e Mijaran
A causa deth gran succès de participacion enes gessudes de Marcha Nordica, er Ajuntament de Vielha e Mijaran met ara disposicion des participaires, garròts especifics entà realizar era activitat.
Eth passat mes d’abriu se repreneren es gessudes de Marcha Nordica damb motiu deth Dia Mondiau dera Activitat Fisica, en quau tanben se realizèc un curset monografic de tres sessions en Palai de Gèu entà toti aqueri vesins que se volessen introdusir er era activitat.
A causa deth succès de participacion (aué dia s’arriben en concentrar mès de 30 participaires), er Ajuntament de Vielha e Mijaran a metut ara disposicion de toti aqueri que volgatz provar aguest espòrt, 12 parelhs de garròts especifics de marcha nordica.
Er objectiu d’aguesta accion, qu’arraïtze entre es participaires, ei eth foment dera activitat fisica entà melhorar era qualitat de vida des ciutadans. Ath delà, dempús d’aguest mes de mai pendent es gessudes, era activitat compde damb un DEA (Desfibril·lador Extèrne Automatic) en tot convertir era marcha nordica n’ua activitat cardio protegida entà toti es sòns participaires.
Es dates entàs pròplèus gessudes son: 20 de mai, 3,10 e 18 de junh. Er orari ei de 10h a 13h e eth punt d’amassada ei er era plaça dera glèisa de Vielha.
Gràcies a d’aguesta activitat, dempús der Ajuntament de Vielha e Mijaran, ath delà de fomentar era activitat fisica tanben volem qu’es nòsti vesins gaudisquen der entorn er eth quau demoren en trauès d’aguestes excursions guidades.