Notícies Veir istoric
Eth dimenge se celèbre eth romiatge dera Mair de Diu des Desamparats de Montcorbau.
Eth romiatge de Montcorbau aclame ara vèrge des malauts e des hòls. Ua longa istòria qu’a eth origen en Valéncia.
Des der Ajuntament de Vielha e Mijaran, celebram damb alegría era arribada dera sason de romiatges.
Era istòria dera Mair de Diu des Desemparats deth pòble de Montcorbau, se remonte ara fin deth SXIX, concrètament er an 1898. Un vesin deth pòble de Montcorbau, Pedro Batmala, realizaue eth servici militar en Valéncia. Dempús de diuèrses desfortunes er era sua vida, decidic acuelher-se ath emparament d’aguesta mair de diu valenciana. Un còp eth soldat acabèc es sues obligacions en Valéncia, tornèc entath pòble de Montcobau damb era mair de diu. Damb era ajuda des donacions dera gent deth pòble e dura glèisa, artenhec es sufisents sòs entà bastir era actuau capèla dera Mair de Diu des Desamparats de Montcorbau.
En an 1999 se celebrèc eth centenari dera arribada dera vèrge en pòble Montcorbau.
Eth romiatge se celèbre aguest dimenge dia 14 de mai a compdar des 11 deth maitin. Eth capelan benedís eth tèrme, es tèrres e es animaus entà aufrir-les proteccion. Tanben se canten gòis ara vèrge coma simbèu de devocion.
Es romiatges s’an convertit en ua forma de crear comunitat entre pòbles.
Des der Ajuntament de Vielha e Mijaran volem animar a toti es vesins des pòbles de Vielha e Mijaran a assistir a d’aguest romiatge, donques qu’ath delà dera sua índole culturau, tanben se pòden gaudir dues fantastiques vistes deth nòste entorn.