Notícies Veir istoric
Acaben es òbres en cementèri de Vielha
An finalizat es òbres entà refortilhar e empeirar es passi deth
cementèri de Vielha. Eth trabalh de melhora en aguestes installacions
comencèc a principis d’octobre e damb eth s’a artenhut que toti es
camins deth cementèri siguen pavimentats entàs vianants e s’an
refortilhat es existents.
Es òbres en cementèri de Vielha an finalizat dempús deth trabalh de
repicat de lòsa d’hormigon existenta e refortilhat de paviment damb
calada d’hormigon. Tanben s’an pavimentat toti es passi entà vianants
qu’encara èren sense engodronar. Era brigada der Ajuntament de Vielha e
Mijaran a netejat era zòna dempús dera conclusion des òbres. Eth prètz
dera inversion ei de 14.228,16. €.