Notícies Veir istoric
Er Ajuntament de Vielha e Mijaran a iniciat eth plan de melhores urbanes deth municipi
Quauques des òbres mès importantes que s’an realizat son era ampliacion e era melhora dera accesibilitat enes trepadèrs atau coma eth manteniment des hilats d’hidrant.
Er Ajuntament de Vielha e Mijaran comencèc er an passat un paquet d’òbres entara melhora des carrèrs de toti es pòbles de Vielha e Mijaran. Es òbres se paralisèren damb era arribada der iuèrn e s’an reprenut aguestes darrères setmanes.
Es obres mès destacades son era ampliacion des trepadèrs, er apraiament des passi de pedanhs e toti es desperfèctes ocasionadi pera nhèu, coma horats, o ascladures en solèr entre d’autes.
Entà Jacinto Cuny, regidor d’òbres e servicis der Ajuntament: “s’estàn amiant a tèrme es accions previstes de melhora e demoram qu’en pòc temps s’inicien tanben es trabalhs de jardineria e neteja en toti es pòbles deth municipi”.
Una auta accion a destacar d’aguest paquet de reformes son es melhores que s’están hènt en hilat d’idrants tà garantir era seguretat e eth trabalh des servicis de proteccion civila.
28/04/2017