Notícies Veir istoric
Vielha acuelh era inauguracion deth Campionat deth Mon d’Esquí de Montanha World Cup 2017
Pendent aguesta setmana s’ha amiat a tèrme era recepcion des equips e federacions internacionaus en Centre Associatiu de Vielha, sedença oficiau der eveniment, atau coma era presentacion deth Campionat ena plaça dera glèisa.
Aué s’ha presentat ena Plaça dera Glèisa de Vielha la Val d’Aran Skimo World Cup 2017, era finau deth Campionat deth Mon d’Esquí de Montanha, que se disputarà dissabte e dimenge ath Pla de Beret.
Er acte a estat presidit per Juan Antonio Serrano, baile de Vielha e Mijaran, qu’a declarat “sò capinaut d’arrecebér en nòste municipi un eveniment de tan grana importancia e repercussion mediatica” ath delà de “contunharam en tot dar supòrt, des dera institucion, quina activitat relacionada que sigue damb er espòrt ena montanha"
Eth dissabte se realizarà eth liurament de prèmis individuaus, ena Plaça dera Glèisa de Vielha, deth Campionat deth Mon e era Copa Catalana en tot celebrar-se parallelaments, a comdar des 17.00 ores, seguidaments deth Brifin dera carrèra deth dimenge as corredors.