Notícies Veir istoric
Er Ajuntament de Vielha e Mijaran arrecebèc ager ath Club Curling Val d’Aran peth sòn ascens a prumèra division nacionau
Recentaments se proclamèc campion en Campionat d’Espanha de dusaua division en Jaca
Ager pera tarde ena sala de Plens der Ajuntament de Vielha e Mijaran se realizèc ua recepcion oficiau entara equipa deth Club Curling Val d’Aran pera sua recenta victòria en Jaca en eth Campionat d’Espanha de dusaua division e que li permeterà jogar era pròplèu sason damb es melhors clubs d’Espanha ena categoria mès nauta.
En er acte sigueren presents Juan Antonio Serrano, baile de Vielha e Mijaran, Alberto López còsso d’Espòrts e Elena Vidal, còsso d’Accion Sociau e Ciutadania, ath costat des membres deth club, qu’aufriren era Copa e Medalhes obtengudes.
Juan Antonio Serrano, declarèc que "mos sentem capinauti de vosati peth vòste esfòrç, trabalhs e resultats e per deishar eth nòm de Vielha en sò mès naut deth curling nacionau" ath delà ahigie que "des der Ajuntament auetz e auratz tot eth nòste supòrt e collaboracion entà celebrar quin eveniment que sigue enes installacions deth Palai de Gèu“ en tot ahíger sus aguesta installacion "que trabalham fòrça entara sua mantenença e conservacion, pera importància qu’a, tant entar usatge des vesins coma deth torisme que mos visite".
Hèctor Manero, pòrtavotz deth Club Curling volec "arregraïm ath baile, e era sua equipa de govèrn, tota era collaboracion que mos auetz prestat e er esfòrç que se realize damb eth Palai de Gèu", ath delà de "es melhores realizades en es darrèri mesi dan resultats positius, donques qu’era rèsta de clubs e federacions trapen es installacions de Vielha coma ua des melhores a nivèu nacionau ena quau se poderàn realizar campionats de Catalonha e d’Espanha atau coma tàs stages d’equipes internacionaus".
En finalizar er acte s’aufric còca e ua copa de cava en tot brindar pes merits obtengudi e es futurs que s’obtieràn, ath delà era equipa de curling aufric ar Ajuntament de Vielha e Mijaran ua des medalhes obtengudes pera equipa en sòn darrèr campionat.